da Hans Erni

en: Per vias e sendas. Cudisch da leger per las scolas primaras sursilvanas 5avel onn, Cuera, Administraziun cantunala per mieds d’instrucziun, 1965:234-236

Gl’aug Tumasch da Purteglia, in um maridau da 50 onns senza affons, va alla fiera da Domat e venda siu mutg per 130 francs. In bi daner per in biestg da dus onns. El, che va schiglioc mai ell’ustria e spenda mai in rap senza basegns, ha oz queida d’in bien gentar, d’enzatgei aparti ch’ins survegn mo el marcau. El semetta allas diesch sin viadi encunter Cuera ed arriva leu entuorn las endisch e mesa. Malgrad ses 50 onns eis el aunc mai staus a Cuera.