da Plasch Dermont / M. Lienert

en: Per vias e sendas. Cudisch da leger per las scolas primaras sursilvanas 5avel onn, Cuera, Administraziun cantunala per mieds d’instrucziun, 1965:233-234

Gionin ei in buob sco aunc biars auters da siu pèr. La sera vul el mai ir a letg, e la damaun durmess el pli ditg e pli bugen. Sch’il sulegl carsina sia fatscha, sevolva el encunter la preit e lai dar l’aura pils larischs. Pertgei pomai er ir a scola e studegiar ch’il tgau beinduras dola?